Ur c'hresk a 6% a zo get ar rouedad Diwan doc'h ma sell ar bloaz-mañ hag ur bochad raktresoù a zo àr ar stern evit digoriñ skolioù nevez. En o mesk emañ un trede lec'h e Kemper, e karter an Erge Vihan. Div skol a zo e Kemper dija evit ar c'hentañ derez, unan e Kerfeunteun get 130 skoliad hag an eil e Penharz, 93 bugel enni. Dre m'eo leun-mat an daou lec'h dija e ta anat da zDiwan digeriñ ur skol nevez en tu doc'h ar gevred a Gemper. Ur c'huzul skoazell a zo nevez savet, selaouomp Yann Gwilhamot ar prezidant, ha Per Meñs-Pegailh, an teñzorer. Emaint douzh mikro Katell Uguen.