Setu diskroget ouzh ar mikro goude tri bloaz ha tregont o luskañ keleier e brezhoneg. Gi ar C'horr, paotr Treger a za war e leve hiziv. Pa 'oa kroget RBO, Radio Bretagne Ouest da skignañ d'an 3 a viz Eost 1982 e oa klevet mouezh Gi evit ar wech-kentañ. Hed ar bloavezhioù eo aet ar c'hazetenner da foetañ hentoù bihan ha bras Breizh ha pelloc'h zoken gant e Nagra, an enroller dre vandennoù. Kantadoù a atersadennoù n'eus bet graet, kantadoù a bennadoù keleier n'eus bet kinniget ivez. Da 8e15 ar mintin-mañ en eus Gi kinniget e geleier ziwezhañ war gwagennoù Frañs Bleue Breizh Izel. Bet on da wel' paotr ar radio.