10 vlez 'zo emañ marv Anne-Maryse Nouqueret, ur vaouez hag he deus bet graet kalz evit karter Pouldahu e Douarnenez. D'an 8 a viz Meurzh diwezhañ, diàr intrudu ar gomedianez Sylvie Contant ha da geñver « devezh ar merc'hed » 'oa bet adanvet lec'hioù ha straedoù Douarnenez get anvioù maouezed hag o deus bet kaset raktresoù da-benn er gêr. Kreizenn Grallon e Pouldahu 'oa bet adanvet get anv Anne-Maryse ha bremañ e faot d'he merc'hed ha d'an annezidi ma vehe adanvet ar lec'h evit mat. O paouez skrivañ d'an ti-kêr emañ an Julie ha Gabrielle, bugale Anne-Maryse. E-soñj emaint kaout ur respont a-benn ar sizhun o tonet. Selaouomp Julie Cadaze, douzh mikro Katell Uguen.