Disadorn 'oa manifestadegoù dre veur a lec'h e Frañs da souten ar repuidi o tont a wagennadoù deus ar Siri pe Irak peurliesañ er c'houlz-mañ. E Roazon 'oa ur mil a dud war ar straedoù, diwar galv strolladoù stourm pe politikel. An holl anezhe o tont da difenn ar gwir da vont ha dont, hep na vije da c'hoût pe zo deus repuidi bolitikel pe repuidi ekonomikel. E Lannuon, e bro Dreger, oa galvet da'n em vodañ disadorn beure dirak an ti-kêr gant Kuzul Skoazell Bro Dreger d'an Dud Dibaper. Ur c'hant ugent bennaket a dud 'oa bet. Muioc'h a displegadennoù gant Pierig An Danteg, ezel er c'huzul skoazell. Gant Tugdual Karluer.