6000 kourser àr o marc'h-houarn 'deus treuzet pe 'zo é treuziñ Breizh c'hoazh ! Kemer perzh 'reont 'ba Pariz-Brest-Pariz ur "redadeg" 'oa lañset e 1891 get Pierre Giffard 'oa perc'henn ur gazetenn anvet Le Petit Journal. Loc'het eo ar gourserien getañ a Saint-Quentin-en-Yvelines evit monet da Vrest dilun noz dre strolladoù 300. Degemeret mat int un tamm 'ba pep lec'h àr an hent. Kostez ar Merzher, e-tal Landerne, 'oa staliet un tamm tavarn 'ba kêriadenn ar C'hef get an ti-kêr da reiñ ur werennad, hag ur grampouezenn pe ziv. Un tamm mat a ambiañs 'oa àr-vord an hent 'kerzh an devezhioù tremenet. Bet eo Erwan Blanchard é komz get ar supporterion: Mélanie, Auguste ha Robert.