D'istribilh 'ya war raok!
Ur c'hlip a-feson 'vit brudañ ar bier ha klask sachañ evezh an dud c'hallfe sikour 'nañ da greskiñ e stal ha reiñ un tamm arc'hant dre ululle: setu 'pezh 'neus graet ur breser yaouank eus Plouider 'ba hanter noz Bro-Leon. Gant e daou vreur 'neus graet ur sapre taol: tizhourt buan kaer an 9500 euros 'noa afer da gentañ 'vit prenañ dafar ha kenderc'hel gant ar sistem ululle 'vit mont pelloc'h. Gall 'ra an den kenderc'hel da sikour raktres D'istribilh c'hoazh. Selaouomp Gwenole Ollivier.
