Adalek an eizh a viz Eost 'vo dalc'het an daouugentvet gouel Plinn en Danoued e boulvriag e kreisteiz pellañ Bro Dreger. Stajoù ha konkourioù seniñ, kanañ pe dañsal, konsertoù ha fest-noz& A-bep sort 'vo da deskiñ pelloc'h war ar plinn, ha c'hoazh. Evel bep bloaz 'vo an devezh brasañ d'ar 15 a viz Eost. Evit ar bloaz 'vo un tamm tra ispisial 'vat, peneogwir 'vo digarez da welet ha klevet ul lourenn, pe « lyre », ur benveg kozh war gerdin, bet adsavet diwar batrom an delwenn c'halian bet kavet e Paoul e 1988, ha kizellet en eilvet pe drede kantved 'raok JK. Gant ar stal ludaouerien SKALD, staliet e Kerbêr eo bet adsavet. Pelloc'h gant Michel Diridollou, a ra war-dro da ouel Plinn. Gant TK