En dibenn-sizhun-mañ 'giz bep bloaz bremañ dibaoe un toullad-mat a vloavezhioù 'vez lidet ar bara war an ton bras e chapel Kerbader, ul lec'h kaer war barrez Fouen. Ar forn kozh 'zo bet lakaet da dommañ dibaoe ouzhpenn dek devezh bremañ gant « Mignoned Kerbader » ha baraerien war o leve, ha noz ha deiz ez eont ingal da vouetañ anezhañ gant koad, tra ma vo plaen an temperadur. Skolidi Fouen a zo bet hiziv da zeskiñ fardañ bara met ouzhpenn bara a vo da wel ha da dañva e Kerbader betek disul. Selaouomp pelloc'h gant Gildas Cornec ouzh mikro Katell Uguen.