Peseurt TAP diàr-benn sevenadur Breizh?
Penaos tenniñ gounit ag an amzerioù tro-skol da vrudiñ danvez ha sevenadur Breizh? setu tem an devezh oa savet digwener paset e kreizenn Amzer Nevez e Planwour get BCD-Sevenadurioù. Bodet e oa ur bochad tud, dileuridi kevredigezhoù a-bep seurt a laboura e bed ar sonerezh, ar c'han, ar yezhoù, an dañsoù, ar c'hontadennoù pe an istoer a Vreizh. E miz Gwenoloñ paset e oa bet ret d'an tier-kêr lakaat reform an TAP, pe amzerioù tro-skol. Gwenola Ropars-Sohier, ensellerez àr ar brezhoneg e Penn ar Bed a gont pelloc'h deomp.
