Festoù ha gouelioù e Breizh, ur lodenn ag ar glad dizanvezel.
Un dra dibar er vro eo lieseurted ar festoù : bout 'zo a festivalioù sonerezh èl an erer kozh, festoù-noz, ha gouelioù relijiel èl pardonioù pe prosesionoù. Dec'h ha hiziv zo ur c'hendiviz e skol-veur an Oriant diàr-benn sevenadur ha glad ar vro hag ar fesonioù d'o zreuzkas. Savet eo get ar studierion zo é heuliañ ar master 2 mecherioù ar glad. Pedet eo bet Yannig Baron evit komz ag an Dro Vreizh zo bet adsavet e 1994 get Philippe Abjean. Lâret a ra deomp emañ a-bouez an darvoud-mañ evit glad ar vro doh mikro Yaëlle ar Mouel.
