Tro dro mil den oa o vanifestiñ dirak batisoù Ensellerezh an akademiezh 'ba Kemper ar mintin-mañ. Kelennerien, tud ar vugale ha dilennidi eus kumunioù e lec'h 'vo diskarget postoù / oa deuet deus pep korn eus departamant Penn ar Bed evit bezañ klevet gant ar pennoù bras bodet en emvod / kuzul departamantal an deskadurezh stad. Klemm a raent a-enep ar pevar post hag hanter-kant a vo dilemet er skolioù-mamm ha skolioù kentañ derez / publik / e miz Gwengolo a zeu. Selaouit diouzhtu un nebeut manifesterien, o kregiñ gant Stéphanie Le Gall, skolaerez 'ba skol Jacquart 'ba Brest Diviz ebet 'zo bet kemeret ar mintin-mañ gant ensellerezh an akademiezh. Un emvod nevez 'vo d'an 2 a viz C'hwevrer.