Gant ar bloaz nevez eo deut koulz an niveradeg pe recensement. Dre ar vro 'vez kontet an dud ha dastumet a-bep seurt titouroù diwar-o-fenn, o doare-bevañ, lojañ, diouzh o oad, o finvidigezh hag all. Abaoe ar bloavezhioù 2000 emañ diouzh lezenn e Frañs gellet ober studioù ouzhpenn d'ar c'houlennaoueg ofisiel. Met betek-hen 'oa bet nac'het an holl daolioù-esa da ginnig tra-mañ-tra. Evit ar wezh kentañ er bloaz-mañ zo bet asantet ur c'houlennaoueg e-kichen da hini diazez an niveradeg. Gant kêr Garaez 'oa bet savet ar goulenn, harpet gant Ofis Publik ar brezhoneg. Sed aze 'vo un enklask ouzhpenn e Karaez diwar-benn implij ar brezhoneg gant an dud. Muioc'h a zisplegadennoù gant Fulub Jakez, rener Ofis Publik ar brezhoneg ha Visant Abaziou, kuzulier-kêr e Karaez e karg deus ar brezhoneg. Fulub Jakez a gomz deomp deus an amzer dazont bremañ.