'Benn digwener e vo Rozenn Talec ha Yannig Noguet é kinnig un arvest nevez-flamm. A-hed ar sihun-mañ emaint degemeret er greizenn Amzer Nevez e Planwour. Labourat a ra an daouad àr un abadenn nevez get tonioù savet gete : ar sonerezh kompozet get ar sonour bouest an diaoul hag ar pozioù skrivet get ar ganerez. Tennet o deus gounid ag ar sihun-labour-mañ d'ober àr-dro ar leurenniñ dre vraz get Nolwenn Korbell. Rozenn Talec ha Nolwenn Korbell a zo doc'h mikro Yaelle ar Mouel. 'benn digwener e vo an daouad da 9eur àr leurenn kreizenn Amzer Nevez e Planwour hag a-benn disul e Sal Glenmor e Karaez, da 5eur d'enderv.