Goulenn a reont muioc'h a wirioù ha sevel a reont klemm ker eo bet taolet termen d'an deiz ma vo ret d'an ensavadurioù foran lakaat en implij traoù oa barzh ar lezenn evit an dud mac'hagnet votet e 2005. Dale neus tapet ar vro a-bezh àr an dachenn. 100 e oant e Gwened é vanifestiñ ha 600 e Kemper. e Penn ar Bed e voda ar CAPH29 37 kevredigezh en oll, hag a-choude ar lezenn votet e miz Even 2013 e embannont ne vez ket graet a-walc'h gant ar c'huzul-meur evit an dud mac'hagnet. E-mesk goulennoù all e vez lakaet war-wel n'eus ket plas a-walc'h evit o lojañ, dreist-holl evit ar re a vez o labourat e kreizennoù ispisializet. Hervé ha Marguerite Le Roux a zo bet da vanifestiñ e Kemper tuchantig. O mab Jaoua, 34 bloaz, a zo ampechet, ha daoust m'en eus labour o deus aon e dud evit e amzer da zont. Selaouomp Hervé Le Roux, aterset get Katell Uguen a-raok ar vanifestadeg.