Trofe Jean-Louis Bouché eo, diwar anv an den en deus labouret kalz da staliañ ar rugby 'ba Breizh er bloavezhioù 70. Bet eo prezidant Rugby Club Gwened ha prezidant Comite Breizh Rugby. Disadorn e oa 12 skipailhad o kemer perzh en tournamant, unan eus ar pevarzek emgav a-bouez evit ar Super Challenge a-live Frans evit ar re zo dindan 14 vloaz. Aet ar maout gant La Rochelle 'noa c'hoariet ouzh Plouzane en dro ziwezhañ. Un taol-kaer evit skipailh bro Leon. Bet eo Yaelle ar Mouel o komz gant Perig, c'hoarier e Plouzané AC goude o match kentañ enep Sant Nazer.