Evit an 18vet kwech eo bet dalc'het lid prizioù dazont ar brezhoneg e fin miz Genver e Logunec'h. Kenaozet int gant Frañs 3 hag Ofis Publik ar Brezhoneg hag ouzhpenn un oberenn arzel profet da bep loread ez eus ivez arc'hant da gaout, profet gant ar c'huzul Rannvro. Roet 'vez enor d'ar brezhoneg ha d'ar re a lak war wel obererezhioù war dachennoù liesseurt 'vel al lennegezh, ar c'hleweled pe c'hoazh e bed ar c'hevredigezhioù hag an embregerezhioù. Un nebeud sizhunvezhioù goude al lid eo bet Katell Uguen o c'houlenn digant al loreidi petra a zegas ar Prizioù d'o obererezh.