Kendalc'h a ra ar stourm enep kartenn nevez ar rannvroioù.
Disadorn e oa galvet an dud da vanifestiñ dirak ar vodadeg vroadel e Pariz. Etre 100 ha 150 a dud a zo bet, alzasianiz ha tud tost o c'halon doc'h Breizh. Tud bro Elzas a vo beuzet e-barzh ur rannvro braz-divent ma vint bodet get ar Champagne-Ardennes hag ar Lorraine. E Lann ar Ster e oa un dek bennak a vonedoù ruz àr ur pont a-hus d'an hent-braz. E mesk gete e oa Iffig Cochevelou, perzh e Breizh Unvan. Emañ doc'h mikro Yaelle ar Mouel.
