Bugale skol-vamm publik Douarnenez 'ban ti-feurm!
Niverus 'oa an dud ar mintin-mañ e ti-feurm Gerlac'h Tal ar Roz er Yeuc'h. Klasad skol-vamm divyezhek Douarnenez 'oa n'em gavet gant maouezed an ti retred da weladenniñ atant Jean-François, Alain hag Annick Kerdreux. Ur blijadur neuze 'vit ar re vihan-tout da zizoloiñ penaos 'teu al laezh ha pelec'h 'vev ar saout. 'vit ar re goshoc'h 'oa brav ivez deskiñ penaos 'vez graet gant ar binviji nevez ha modern. Katell Uguen 'zo bet d'o heul, selaouomp ar reportaj.