Emañ ar 4L trofy ur rederezh dengar a vez bep blez.
Savet e vo ar blez-mañ evit an 18vet gwezh. Ret eo d'ar rederion, studierion anezhe, monet da gas dafar da vro Marok. Dek devezh e pad an hent dre Frans, Spagn ha Marok ma vez ret dezhe kas ar 4L dre an dezerzh. Luk Bleuzen hag Alexis Miché a zo studierion er skol ijinourion Icam e Gwened. Lakaet o deus en o soñj kemer perzh er redadeg-se ar blez-mañ. Emaint é labourat neuze evit kempen an oto ha ma vo prest razh an traoù 'benn miz C'hwevrer, pa loc'ho ar redadeg a gêr Biarritz. Gouiamp hiroc'h get Luk Bleuzen.
