E Gwened e ra ar studierion 12 dregant ag ar boblañs.
Dec'h àr ar porzh e oa savet un devezh evite get an ti-kêr, an tolpad kêrioù ha kolektif ar c'hevredigezhoù studierion. Savet oa bet konkourioù etre skolioù, konsertoù, ha razh an devezh hep alkol. Kement-mañ evit diskweiñ ur skeudenn vat ag a re yaouank. Evit ar bedervet gwezh oa savet an devezh-se evit ar studierion ha berzh neus graet ker e oa bet 1500 a dud yaouank é kemer perzh. Selaouamp doc'h unan anezhe, Bertile Penfrat a zo e skol veur Gwened é heuliañ he c'hetan blead àr ar gwir.
