Petra vo graet àr enezenn Berder?
Donet a ra an doereioù a nebeudigoù doc'h ma sell an enezenn-mañ lec'hiet er mor bihan ha staget doc'h parrez An Arvor-Baien. Perc'henn an enezenn eo ar strollad Yves Rocher. Deus ket pell 'zo oa bet embannet er gazetenn e vehe bet prenet get ar strollad Giboire evit sevel un ostaleri chik ha cheuc'h. Andre Gall, kuzulier kanton Gwened kuzh-heol a stourm evit ma vo prenet an enezenn get ar c'huzul departamant.
