Miliadoù a dud a zo bet é vanifestiñ e straedoù Naned disadorn. Ouzhpenn 35 000 e oant hervez an aozerion, 20 000 hrevez ar polis, o c'houlenn ma vo adunvanet Breizh. Arzourion, dilennidi, izili kevredigezhoù ha tud a-bep seurt oa bodet evit difenn Breizh 5 departamant pe gant Bro an Naoned. Goude an dibunadeg hag ar c'honsert gant sonerien ar vro e oa bet an dud oc'h ober tro kastell an duked gant goueleier lutig. Selaouomp ar reportaj savet gant Yaelle ar Mouel e Naoned. Klevet e vo Marie-Thérèse a zo o chom 'ba Pornizh, Olier a oa é penn ar stand krampouezh dalc'het get Diwan bro Naoned ha Jonathan en deus roet lañs d'ar lec'hienn www.dibab.org.