Dec'h e oa devezh etrebroadel an Alzheimer
Un digarez da lakaat àr-wel ar c'hlenved-mañ a zo get muioc'h-mui a dud hag iwez ar fesonioù d'ober àr o zro. Get an Assap-Clarpa, staliet e Senteve e vez meret 40 ti lec'h m'eh eus degemeret tud klanv get an alzheimer. Ur stumm lojeris savet hrevez o doberioù dezhe ha lec'h ma c'helleont kavout merkoù en o buhez pemdez. Helene Kerzhero a laboura en Assap Clarpa. Displeg a ra deomp pelloc'h a-zivout an tier-se ha penaos e tro an traoù enne. Doc'h mikro Yaelle ar Mouel.
