Digwener da noz 'zo bet roet lañs da 37vet gouel ar filmoù e Douarnenez. Pobloù Oceania 'zo pedet er bloaz-mañ met evel-just e vez roet o blas d'ar re vouzar ha dur bern minorelezhioù all. Ur rener nevez 'zo dar festival er bloaz-mañ, kement ha reiñ ul lañs all dar gouel a ra un dreist-dibab deus ar filmoù sevenet e pep korn ar bed. Evit ar wech-kentañ e istor ar festival e oa kaset ur palabr da-benn e brezhoneg, un digarez marteze da lakaat war-wel yezh ar vro, laosket a-gostez alies mat. Deomp da chouzout hiroch war Gouel ar Filmoù 2014 gant Solenn Caroff. Respont a ra ouzh goulennoù Laetitia Fitamant deus Radio Kerne.