Krogad kentañ Stad Brestois ar bloavezh 'oa c'hoariet dec'h da noz. E lig 2 'oa chomet klub Penn-ar-Bed fin ar bloavezh tremenet: e 7vet plas 'oa en em gavet ar re wenn ha ruz goude ur c'hampionad diaes. Diskennet 'oa Stade Brestois eus Lig 1 e Lig 2. Ar bloaz mañ eo c'hoantus ar c'hlub: mont e lig 1 fell d'an holl 'ba Brest. Krogte mat ar bloavezh dec'h da noz war dachenn Stad Francis-Le Blé. Dirak muioc'h 'vit 10 000 arvestour eo aet ar maout gant ar Vrestiz. Laouen an holl supporterien neuze 'vel Erwan Conq, kabiten skipialh ElektroFoot Brest hag o paouez bout Kampion Europa Elektro Foot gant skipialh Bro-C'hall.