E Gwened e vez savet traoù ingal get ar gevredigezh AFPS, kevredigezh Frañs Palestinia Kengred. Digwener paset e oa graet un oberenn da lâret d'an dud d'ober boycott er supermarc'hadoù a zigas frouezhaj ag an Israel. Disadorn e oa bodet 300 a dud dirak an ti-kêr. Lennet oa bet anvioù ar vugale palestinian zo bet lazhet a-c'houde pemzekteiz ma zo brezel etre an div vro. Dilek Ulker a zo genidik a vro Turki, é chom ba Gwened. Lâret he deus da Yaelle ar Mouel perak eo a-bouez souten pobl Palestinia. Gervel a ra izili AFPS Gwened d'en em vodiñ henoazh da 6e30 da noz, didrouz àr ar porzh. hag 'benn disadorn da vanifestiñ da 3eur dirak ti-kêr Gwened en-dro.