E kreiz an avañtur ba Pleskob.
Setu tem ar c'hamp savet get an ubapar eno a-hed ar sihun dremenet. Ar c'hamp nemeiton e brezhoneg savet er Morbihan. Nebeutoc'h o deus lakaet o anvioù ar blez-mañ mes dalc'het eo bet ur sort. Degemer a ra pevarzek krouedur etre 6 hag 8 vlez. Pal ar c'hamp-mañ eo beviñ assambl e brezhoneg. Un dra n'eo ket anat marse evit bugale a ya kuit a zier o zud evit ar wezh ketañ. Nicolas Amaury eo rener ar c'hamp. Hiroc'h en deus displeget da Yaelle ar Mouel.
