An embregerezh Variscan mines eo a faot dezhi adsevel krog ar meingleuzioù e Frañs. Pezh vez ket mui graet a-c'houde tregont vlez 'zo. Goulennet o deus an aotre d'ar ministr Montebourg evit gellout gwelet ma zo traoù splaetus da denniñ er vro. Da lâret eo 14 parrez adal Gouarec betag Melrant. Klasket a reont plom, zink, aour, argant, tungstene ha metalioù arall a servija da sevel benvegoù teknologiezh nevez èl pellgomzerioù hezouk ha c'hoazh. Dimerc'her da noz e oa daet paotr Variscan da Silieg da lâret hiroc'h a-zivout ar raktres daoust ma n'eo ket bet roet an aotre c'hoazh. E mesk an dud e oa daet Ronan Guéblez a zo é chom e Pellan, ma zo bet tennet metal pell 'zo dija. Selaouamp doc'htoñ.