Skipailh Alamagn 'ni eo 'zo bet trec'h disul da noz evit gourfenn kib ar bed mell-droad. Ur pal a zo bet plantet gant Götze da vare an astenn c'hoari, peadra da c'hounid 'enep skipailh Ac'hentina. E Bro Vrazil, 'lec'h 'oa aozet kib ar bed en-dro-mañ eo trenk an aergelc'h. Skipailh ar vro 'zo bet flastret gant an alamanted da vare ar c'hart gourfenn 7 pal da 1 hag a-hed an tournamant eo bet tenn ar jeu o welet kement a arc'hant postet er c'hib p'emañ ar vro gant diaesterioù ekonomikel bras. Disul eta eo aet ar maout gant ar Manchaft. Ar 4re kwech eo da vro Alamagn gounid ar c'hib 'pezh 'gas ar vro da gaout ar muiañ a zrec'hioù dibaoe ar bloavezhioù 30. Morwenna Joubin 'zo ur vreizhadez staliet e Munchen en Alamagn. Displeget he deus da Gatell Uguen penaos eo bet birvilh ar football er vro e-pad ar mizvezh tremenet.