Leun a Vretoned 'zo o kemer perzh er saloñs "Nautic" 'ba Pariz aboae disadorn paseet. Bemdez 'zo digaset keloù mat war pouezh ha talvoudegezh bed ar mor e Breizh. War zu an ekonomiezh, war zu ar skiantoù hag ivez war zu ar sportoù. Embannet 'zo bet, da skouer, 'vo degemeret ar c'hentañ "Mini-Transat" 'ba Douarnenez e 2013. Betek-henn e yae kuit ar redadeg-se deus La Rochelle evit mont betek ar Brasil. Ar wech o tont e 2013 e erruo an "Transat 650"-se 'ba Pointe à Pitre er Guadaloup. Sachañ ar redadeg betek Douarnenez 'zo un trec'h brav evit bed kevredigezhel ar bagoù-dudi hag evit an ti-kêr a lako arc'hant 'ba 'r jeu. Talv a ra ar boan hervez an dilennad Raymond Le Bris, laouen gant ar c'heloù-se.