Graet eo, lañset eo ar pik BZH war ar genrouedad, war-lerc'h un dek vloavezh a labour evit ma c'hellfe bezañ. An astenn gentañ eo o vezañ liammet gant ur rannvro e Frañs. Met n'eo ket an hini nemeti a vo digoret, ur mil daou c'hant bennaket anê a glefe bezañ dre ar bed en daou vloavezh da zonet. Dec'h 'oa bet kinniget gant ar rannvro hag ar gevredigezh 'doa dalc'het ar raktres. An daou aozadur o vezañ ar re gentañ o lakaat an astenn e pleustr adal bremañ 'raok na vo digoret da-vat adal miz Gwengolo. Christian Demeurée-Vallée, sekretour ar gevredigezh «pik BZH», a lâr deomp petore gonid 'vo da dennañ deus an astenn pik BZH, deus mikro Tugdual Karluer.