'Ba Brest 'oa Pierre Gattaz, pdt ar Medef, ar beure mañ. 'Ba un emvod gant renerien stalioù BTP 'noa kemeret perzh. Un digarez 'vit un tregont bennaket a intermittanted mont betek sez BTP Penn-ar-bed, c'hoant ganto gellout eskemm un nebeut munutennoù gant patron ar batroned. Hervez an intermittanted eo ar Medef 'zo kaoz, da gentañ, an emglev etre ar sindikadoù 'oa sinet d'an 22 a viz Meurzh diwezhañ, hep ar CGT-Spectacle 'neus ket asantet an emglev. Gant an emglev mañ 'vo startoc'h gellout kaout an assurañsoù dilabour gant an intermittanted 'pe 'vije arzourien pe deknikourien. Dirak ar stal BTP 'noant gellet komz an intermittanted gant rener kabined Pierre Gattaz hepken, 'pezh 'neus lakaet ar vanifestourien en fulor. Selaouomp 'nezho ha war lec'h 'vimp asambles gant Erwann Kermarrec, intermittant ha paotr ar c'hamera 'vit c'hwec'h embregerezh dishenvel.