'Benn an devezh kentañ a viz Eost 'vo enoret ar Vretoned 'oa bet kaset da vrezeliñ e 14-18. Diwar soñj Goulc'han Kervella eus Ar Vro Bagan asambles gant ti ar Vro Leon 'vo aozet an devezh lid mañ. Lakaat da seniñ memes koulz ar c'hleier galv da 4e goude lein 'pa 'oa erru ar gemenadenn 'vit "mobilisation générale, 'ba Breizh. Ur gemenadenn 'oa lennet gant ar gwarde hag ar maer: lennet e brezhoneg hag e galleg. An abadennoù 'vo dalc'het dirak monumant ar re varv. 'Vit poent, 'zo 40 parrez 'neunt divizet kemer perzh 'ban darvoud. Displegadennoù gant Herve Lossec, eus Ti ar vro Bro-Leon.