Gant an deputeed 'vo studiet ar raktres adkempenn ar rannvroioù 'oa kinniget get François Hollande, nevez 'zo. War lerc'h, e penn kentañ miz Gourhelen 'vo tro ar senatourien da reiñ o ali. Ur raktres evit klask lakaat an ensavadurioù lec'hel da vout efedusoc'h. Lakaet 'vehe rannvroioù da zimeziñ. Rannvroioù arall a chomehe o-unan: Breizh ha Broioù-al-Liger dre skwer. Darbet 'oa bet da Hollande lakaat o div rannvro asambles c'hoazh, 'pezh 'neus ket kredet ober. Passabl a vretoned 'zo evit adunanviñ Liger Atlantel get Breizh. Met pas ket an holl, èl François Marc, 'zo senatour 'ba Penn-ar-Bed. Evitoñ 'vehe gwelloc'h sevel ur rannvro vras gant Breizh ha Broioù ar Liger. Ur pennad-kaoz get Erwan Blanchard.