Ranket 'neus Jean-François Cope reiñ e dilez eus penn an UMP. Abaoe meur a sizhunvezh 'oa lakaet ar gaoz war afer ar fakturennoù faos graet gant un embregerezh kehentiñ anvet Bygmalion 'vit an UMP. Ul lodenn anezho 'oa graet da geñver prantad kaballiñ an dilenadegoù prezidant Republic Bro-C'hall. Hervez kont 'vije savet fakturennoù 'vit 18 million a euroioù 'vit 70 abadenn "com" gant Bygmalion, 'pezh 'zo kalz uheloc'h 'vit ar prizioù boutin. Ouzhpenn 'zo ul lodenn eus ar meetingoù, emvodoù 'zo bet paeet n'eus ket bet anezho& ha tost tre emañ Jean-François Copé ouzh pennoù bras Bygmalion. Se 'zo kaoz 'zo goulennet gantañ kuitaat penn an UMP gant an izili eus burev ar strolllad politikel 'zo a-dehou. Peseurt mod eo degemeret an afer mañ gant an dilennedi lec'hel 'zo 'ban UMP? Selaouomp Joel Marc'hadour, maer 'ba Plouzeniel ha kuzulier rannvro. Emañ gant Erwan BLanchard.