A-c'houde disul ha betag disadorn emañ savet ar festival Essential Hip Hop e kornad Gwened. Kemer a ra perzh ennoñ re cm skol Diwan Gwened. Disul e oant àr ar leurenn é tibuniñ testennoù stumm slam e-raok Krismenn hag Alem hag a-benn disadorn e vint gwelet e Senteve evit an nozwezh "Breizh Hip Hop". Dec'h e oa daet d'ar skol tud ar gevredigezh Face Cachée a lak àr-wel ar sevenadur hip hop, dreist-holl an dañs, da zeskiñ pelloc'h d'ar skolidi. Selaouamp doc'h ar skolaer Gaetan Boulic ha da getañ doc'h Lena, Azenor ha Rebecca é laret un destenn skrivet get Proper Proux. doc'h mikro Yaelle ar Mouel.