Bep bloaz da vare gouel Saint-Honoré, sant ar vouloñjerien, e vez lidet gouel ar bara. Lañset 'oa bet ar sizhunvezh gouel-mañ e 1996 gant Jean-Pierre Raffarin pa 'oa ministr an artizanelezh. E Frañs neuze e vez enoret ar bara er sizhun-mañ hag e Kerbader, ur chapelig e Fouen, eo prest ar forn-kozh da boazhañ an dorzhioù. Diriaoù ha digwener e tesko skolidi ar vro fardañ o zammoù-bara ha gouel-vras a vo e Kerbader disadorn ha disul gant, da skouer, koñkour ar gwellañ bagetenn. Muioc'h a ditouroù gant Gildas Cornec, perzh eus an aozerien, Eugène, bouloñjer e Kerbader ha Lulu Moisan, animatourez e Fouen. Emaint ouzh mikro Katell Uguen.