Gant ar strollad "Nukleel-er-maez" (AE2D ha "Skol-Uhel ar peoc'h") 'vo aozet ur vanifestadeg a-enep d'an nukleel 'benn disul 'bar Faou. Ur vanifestadeg evit bout a-stroll gant gouzañverien ar gwalldarvoudoù nukleel 'giz 'ba Tchernobyl ha 'ba Fukushima da skouer. Prezegennoù, konsertoù, ur fest-deiz 'vo kinniget hag ur chadenn savet gant vanifesterien. Tri bloaz goude Fukushima petra 'zo bet graet evit mont maez eus an nukleel? O paouez embann Manuel Valls, ministr kentañ Bro-C'hall, 'vo digresket ar produiñ nerzh nukleel eus 50%. Selaouomp soñj Herve Cadiou, ezel eus "Nukleel er maez". Gant Erwan Blanchard. Da 11 e lorc'ho an devezh gant an daol-grenn "Paouez gant an armoù nukleel". Prezegennoù a-hed an abardaez, da 5e vo savet ar chadenn ha klozet 'vo an devezh goude ar fest-deiz da 7e noz.