Ar bloaz-mañ en-dro 'vo roet lañs d'an embann e brezhoneg gant Priz ar Yaouankiz ha Priz ar Vugale. 10 vloaz 'zo oa bet krouet ar c'hoñkour skrivañ romantoù evit ar re yaouank dre ma vanke levrioù e brezhoneg evito. Priz ar Vugale 'oa bet lañset e 2006 ha dibaoe e talc'h ar gevredigezh Féa da vroudañ ar vrezhonegerien da skrivañ evit ar re yaouank. Ar bloaz-mañ avat e vo nevezenti er c'hoñkour dre m'eo galvet an dud da sevel bannoù-treset. Fanny Chauffin deus ar gevredigezh Féa, he deus displeget hiroc'h da Gatell Uguen. Dav eo kas e skrid pe e blankenn a-raok an 12 a viz Mae da afea@laposte.net