Kentañ breujoù Breizh ar bonedoù ruz a oa bet dalc'het disadorn dremenet e Montroulez. Tri mil a dud oa bodet evit kas ar 15 000 klemmvan a oa bet dastumet get ar c'homiteoù lec'hel ar mizioù paseet. Goulennet o deus get ar prezidant Hollande donet da Vreizh edan berr da glevet ar c'hinnigoù pennañ. Ar bodad "Bevañ, divizout ha labourat e Breizh" a faot dezhoñ ma vehe Breizh ur rannvro kreñv a 5 departamant, e vehe diorroet an energiezhioù nevez, nulet an ekotaoss pe c'hoazh e vehe adkreizennet an divizoù er vro. Selaouomp Morvan Peres, ezel a gomite Lannuon. Emañ doc'h mikro Katell Uguen.