Ar miz-mañ 'vez kinniget d'an dud gwelet teulfilmoù el lec'hioù publik un tammig pep lec'h e Breizh. E touez ar filmoù-se 'zo unan anvet "Breizh erotik", savet gant Roland Thépot. Un tilt e brezhoneg met ur film kinniget aze e galleg. Klask a ra ar realisatour kompren perak eo diaes evit ar Vretoned komz eus erotegezh, eus revr. Goulwenna an Henaff a c'hoari, barzh ar film-se, roll ur vaouez a zo o klask gerioù n'int ket bet treuzkaset dezhi er familh. Skignet 'vo "Breizh erotik" disadorn a zeu war an enezenn Molenez, disul e Daoulaz, hag ar sizhun o tont e Kistreberzh hag e Pont 'n Abad. Ur film all 'zo bet savet gant ar memes dañvez met e brezhoneg ar wech-man. Anvet eo "Korf ha korf".