Miliadoù a dud 'oa 'ba Naoned evit lâret "nann d'an aerborzh". Disadorn e oa 60 000 den hervez an aozerien ha 20 000 hervez ar polis. Kendalc'h a ra ar stourm evit goulenn ma ne vo ket savet an aerborzh etrevroadell war dachenn Kernitron al Lann. An deiz a-raok ar vanif 'oa bet nac'het gant ar prefeti an hent oa bet goulennet gant saverien ar vanifestadeg. Bec'h a zo bet etre ul lodenn eus ar vanifesterien hag ar crs-ed ha distruj 'ba straedoù kêr an Duked. Ouzhpenn 'tegas un tamm mat a dabut etre an ekologourien 'zo 'ba EELV hag PS. "Berzh neus graet memestra" eme Julien Durand, mouezh an ACIPa. Deuet e oa tud a-bep seurt hag a-bell zoken da zibuniñ war straedoù kêr Naoned. Selaouomp Paul 'oa deuet gant strollad Attac Montroulez ha da gentañ, Daniel deuet gant naturourien Breizh Vev. Ar reportaj war blas gant Yaëlle ar Mouel.